प्रतिलिपिकमाई वाढवण्यासाठी १२ खास क्लृप्त्या || आपल्यासाठी प्रतिलिपिकडून एक पत्र
प्रिय लेखक,
मार्चमध्ये प्रतिलिपि ने तुम्हाला पहिले पत्र लिहिले ( इथे वाचा ). आमच्या लेखकांनी आम्हाला भरभरून दिलेल्या प्रेमानंतर, आम्हाला वाटले की आम्ही तुम्हाला पुन्हा एकदा पत्र लिहावे. या पत्राचे ३ भाग आहेत:
१) प्रतिलिपिच्या भूतकाळाविषयी काहीतरी
२) प्रतिलिपि वर तुम्हाला यशस्वी बनवण्यासाठी आमच्या टीमकडून १२ अत्यंत महत्त्वाच्या टिप्स आणि
३) एक अनोखी भेट!
चला तर मग सुरू करूया:
सर्वात आधी प्रतिलिपिबद्दल काहीतरी:
२०१४ मध्ये, प्रतिलिपिचा जन्म एका भाड्याच्या घरात झाला होता (खालील फोटो पहा), जे एकाच वेळी आमचे घर आणि ऑफिस दोन्ही होते. तेव्हा आम्ही केवळ ५ जण होतो आणि आज आम्ही ३००हून अधिक जणांची टीम आहोत. हे केवळ लेखकांनी आमच्यावर ठेवलेल्या विश्वासामुळेच शक्य झाले आहे. जवळपास ८ ते ९ वर्षे लेखकांनी कोणतीही कमाई केली नाही, तरीही त्यांनी प्रतिलिपि वर विश्वास ठेवला आणि आज केवळ मागच्या एकाच महिन्यात १०,३८१ लेखकांनी मिळून एकत्रितपणे ₹३.१२ कोटींची कमाई केली आहे.
या पत्रासाठी, आम्ही आमच्या टीममधील १२ सदस्यांना प्रतिलिपि वर यशस्वी होण्यासाठी प्रत्येकी एक उपयुक्त टीप शेअर करण्यास सांगितले.
-
जर तुम्ही अजूनही प्रतिलिपि वरून कमाई करत नसाल, तर त्याचा मार्ग खालीलप्रमाणे आहे: एकदा का तुम्हाला २०० फॉलोव्हर्स मिळाले आणि तुम्ही एका महिन्यात ५ साहित्य किंवा कथाभाग प्रकाशित केले, की तुम्हाला आपोआपच 'गोल्डन बॅज' मिळतो. त्यानंतर तुम्ही तुमची सिरीज सबस्क्रिप्शन अंतर्गत ठेवून कमाई सुरू करू शकता.
-
प्रतिलिपिच्या वाचकांना दीर्घकथा खूप आवडतात! प्रत्येक भाग किमान ६०० ते ८०० शब्दांपेक्षा मोठा लिहा. प्रत्येक भागाचा शेवट वाचकांमध्ये उत्सुकता निर्माण करणाऱ्या संवादाने करण्याचा प्रयत्न करा. कथेच्या सुरुवातीलाच महत्त्वाचे संघर्ष किंवा वळणे समोर आणा आणि भागाचा शेवट उत्सुकता, तणाव किंवा क्लिफहँगरने करा. जेव्हा वाचक कथेशी मनातून जोडले जातात, तेव्हा ते पुढील भाग अनलॉक करण्याची शक्यता जास्त असते.
-
कथेची सुरुवात नेहमी थेट करा. कथेच्या सुरुवातीला विनाकारणच्या नोट्स, प्रस्तावना/परिचय लिहिणे किंवा वाचकांशी थेट बोलणे टाळा.
-
पहिल्या भागाने वाचकांमध्ये तीव्र उत्सुकता निर्माण केली पाहिजे, जेणेकरून ते नैसर्गिकरित्या पुढचे भाग वाचण्यासाठी पुढे जातील. तसेच, तुमच्या तिसऱ्या भागाचा शेवट एका अत्यंत मजबूत क्लिफहँगरने करा. जर वाचक तिसऱ्या भागापर्यंत कथेमध्ये पूर्णपणे गुंतून गेला, तर तो कथेचे उर्वरित भाग नक्कीच अनलॉक करेल.
-
वाचकसंख्या वाढवण्यासाठी 'नियमितता' हा सर्वात महत्त्वाचा घटक आहे. नवीन भाग कधी येणार हे वाचकांना माहीत असणे त्यांना आवडते आणि नियमित प्रकाशनामुळे तुमची कथा प्लॅटफॉर्मवर सतत दिसत राहते. तुम्ही दररोज प्रकाशित करा किंवा आठवड्यातून काही वेळा, एक निश्चित शेड्युल वाचकांना तुमच्या कथांकडे पुन्हा पुन्हा येण्याची सवय लावते.
-
तुमची कथामालिका नेहमी पूर्ण करा. जर वाचकांना खात्री असेल की तुम्ही कथा पूर्ण करणार आहात, तर ते तुमच्यावर विश्वास ठेवतील आणि प्रत्येक नवीन सिरीज वाचण्यास सुरुवात करतील. यामुळे तुमची सिरीज जास्त वाचकांपर्यंत पोहोचते आणि तुमची कमाईही वाढते.
-
आकर्षक कव्हर फोटो तयार करण्यासाठी एआयचा वापर करा. सेलिब्रिटींचे फोटो किंवा थेट गुगलवरून घेतलेले फोटो वापरणे टाळा.
-
लेखनासाठी एआय वापरणे टाळा. वाचकांना तुमचा अस्सल आणि मूळ बाणा आवडतो. पूर्णपणे एआय-जनरेटेड असलेल्या कथा वाचकांच्या मनाला भिडत नाहीत. जर तुम्ही कथानकात कुठे अडकलात, तर एआय तुम्हाला नवीन कल्पना सुचवण्यासाठी मदत करू शकते. हुशार लेखक एआय चा वापर एक असिस्टंट म्हणून करतात, स्वतःचा घोस्टरायटर म्हणून नाही.
-
रोमान्स व्यतिरिक्त इतर वेगवेगळ्या साहित्य प्रकारांमध्येही लेखन करून पहा. वाचकांना भयपट, अमानविय किंवा अद्भुतशक्तींचे जग, रोमांचक, थरार, वैज्ञानिक कथा, पौराणिक कथा आणि कौटुंबिक नाट्य हे विषय देखील खूप आवडतात.
-
सोशल मीडियाचा प्रभावीपणे वापर करा. तुमच्या प्रतिलिपि प्रोफाईलबद्दल रील्स बनवा आणि आमच्या हँडलसोबत कोलॅबोरेट करा. तुमच्या रील्समध्ये तुमचे फॉलोव्हर्स, कमाई आणि वाचन संख्येची झालेली प्रगती दाखवण्यास अजिबात संकोच करू नका. कधीकधी, तुमच्या वाचकांनाच त्यांच्या आवडत्या कथेचे प्रमोशन करण्यासाठी मदत मागा. तुम्ही या प्रोग्राममध्ये देखील भाग घेऊ शकता: प्रतिलिपि इनफ्लूएन्सर प्रोग्राम
-
वाचकांकडून मिळणारा अभिप्राय आणि समीक्षेचा नेहमी स्वीकार करा. त्यातून शिका, पण समीक्षकांशी वाद घालणे टाळा. उत्तम लेखक नेहमी त्यांच्या निर्मितीवर लक्ष केंद्रित करतात, टिकेवर नाही. प्रतिलिपिची रिकमेंडेशन सिस्टीम ही रेटिंगवर अवलंबून नसते, तर ती वाचकांच्या प्रत्यक्ष वाचन पद्धतीवर काम करते.
-
जर तुम्हाला लेखनामध्ये शिस्त आणायची असेल, तर लेखन स्पर्धांमध्ये भाग घेण्याचा प्रयत्न करा. आम्ही नुकतीच एक नवीन स्पर्धा येथे सुरू केली आहे: प्रतिलिपि इवेंट्स
तुमच्यासाठी एक अनोखी भेट !
जर तुम्ही आयफोन वापरत असाल, तर येत्या काही आठवड्यांत तुम्हाला एक नवीन अपडेट मिळेल, ज्याद्वारे आयफोनमध्ये लेखनाचा एक नवीन पर्याय उपलब्ध करून दिला जाईल. :)
तुम्हाला प्रतिलिपिवरील तुमच्या अनुभवा विषयी, काय काम करत आहे, काय नाही, तुम्हाला आम्हाला काय चांगले करण्याची तुम्हाला इच्छा आहे किंवा तुम्हाला आम्ही पुढे काय बनवण्याची अपेक्षा असल्याबद्दल काही सांगायचे असेल, तर कृपया ते आमच्यासोबत येथे शेअर करा.आमची टीम प्रत्येक प्रतिसाद वाचेल.
प्रतिलिपिवर लिहिल्याबद्दल धन्यवाद.
आपलीच,
प्रतिलिपि