प्रिय लेखक,
तुमच्या कथा प्रतिलिपि वरील अनेक वाचकांपर्यंत पोहोचतात. हे व्यासपीठ सुरक्षित, आदरयुक्त आणि सर्जनशील ठेवण्यासाठी, प्रत्येक लेखकाने काही महत्त्वाच्या साहित्य नियमांचे पालन करणे आवश्यक आहे.
हे मुद्दे तुम्हाला तुमची कथा, तुमचे प्रोफाईल आणि प्लॅटफॉर्मवरील तुमची दीर्घकालीन प्रगती सुरक्षित ठेवण्यास मदत करतील.
- 1
असहमतीचे किंवा बेकायदेशीर लैंगिक साहित्य टाळा
असामान्यता दर्शवणारे किंवा संमतीशिवाय केलेले लैंगिक कृत्य, लैंगिक हिंसाचार किंवा बेकायदेशीर लैंगिक कृत्यांना प्रोत्साहन देणारे किंवा त्यांचे उदात्तीकरण करणारे साहित्य लिहू नका.अल्पवयीन मुलांशी संबंधित कोणतेही लैंगिक संदर्भ असलेले साहित्य लिहिण्यास सक्त मनाई आहे.
- 2
उघड लैंगिक वर्णने टाळा
लैंगिक कृत्ये किंवा शरीराच्या भागांचे सविस्तर किंवा स्पष्ट वर्णन करू नका.कथेशी कोणताही संबंध नसलेले, केवळ लैंगिक उत्तेजनासाठी लिहिलेले साहित्य टाळावे.
- 3
अश्लील भाषेचा वापर करू नका
अश्लील किंवा अयोग्य शब्द विशेषतः शरीराचे भाग किंवा जवळीकीची दृश्ये वर्णन करताना वापरणे टाळा. प्रेमभावना नेहमी भावनिक, आदरयुक्त आणि कथेला पुढे नेणारी असावी.
- 4
नग्न किंवा उघड फोटो वापरू नका
नग्नता, अंशतः नग्नता किंवा लैंगिक कृत्ये दर्शवणारे फोटो प्लॅटफॉर्मवर कुठेही वापरू नका.यामध्ये कथेचे कव्हर फोटो, प्रोफाईल फोटो, पोस्ट्स आणि कथेसंबंधित इतर कोणत्याही फोटोंचा समावेश होतो.
- 5
प्रौढ साहित्याला योग्य टॅग द्या
तुमच्या कथेत जर प्रौढ विषय असतील परंतु ते प्लॅटफॉर्मच्या नियमांचे पालन करत असतील, तर योग्य टॅगचा वापर करा.यामुळे वाचकांना कथा वाचण्यापूर्वीच तिच्या स्वरूपाविषयी कल्पना येण्यास मदत होते.
- 6
द्वेष पसरवणारे भाषण टाळा
जात, धर्म, वंश, लिंग, लैंगिकता, अपंगत्व, राष्ट्रीयत्व, आजार किंवा समुदायाच्या आधारावर कोणाचाही अपमान करू नका किंवा त्यांच्यावर टीका करू नका.कथा, पोस्ट्स, कमेंट्स आणि प्रोफाईलच्या तपशीलामध्ये नेहमी आदरयुक्त भाषेचा वापर करा.
- 7
कोणालाही त्रास देऊ नका, ट्रोल करू नका किंवा छळू नका
प्लॅटफॉर्मचा वापर कोणत्याही व्यक्तीला किंवा समूहाला लक्ष्य करण्यासाठी, त्यांचा अपमान करण्यासाठी, त्यांना कमी लेखण्यासाठी किंवा त्यांचा छळ करण्यासाठी करू नका.मते पटली नाहीत, तरीही मतभेद नेहमी आदराने हाताळले पाहिजेत.
- 8
टोकाचा हिंसाचार किंवा त्याचे उदात्तीकरण टाळा
हिंसाचारासाठी प्रवृत्त करणारे किंवा हिंसक कृत्यांचे उदात्तीकरण करणारे साहित्य लिहू नका.
- 9
वाचकांना अस्वस्थ किंवा विचलित करेल असा टोकाचा हिंसाचार लिहिणे टाळा.
- 10
स्वतःला इजा करणे, दहशतवाद किंवा लैंगिक हिंसाचाराला प्रोत्साहन देऊ नका
तुमचे साहित्य स्वतःला इजा करून घेणे (आत्महत्या इ.), दहशतवाद, लैंगिक हिंसाचार किंवा कोणत्याही व्यक्ती अथवा समूहावर हल्ले करण्यास प्रवृत्त करणारे नसावे.अशा साहित्यामुळे तुमच्यावर कडक कारवाई केली जाऊ शकते.
- 11
बेकायदेशीर साहित्य प्रकाशित करू नका
राष्ट्रीय सुरक्षा, सार्वजनिक सुव्यवस्था किंवा इतर देशांशी असलेल्या मैत्रीपूर्ण संबंधांना बाधा आणणारे काहीही प्रकाशित करू नका.तसेच दहशतवाद, जुगार, मनी लाँड्रिंग, बेकायदेशीर अंमली पदार्थ किंवा इतर गुन्ह्यांना पाठिंबा देणारे साहित्य टाळा.
- 12
खोटी, दिशाभूल करणारी किंवा बदनामीकारक माहिती टाळा
कोणतीही व्यक्ती, कंपनी किंवा समूहाची दिशाभूल करण्यासाठी, त्यांना त्रास देण्यासाठी किंवा त्यांचे नुकसान करण्यासाठी खोटी माहिती प्रकाशित करू नका.कोणाच्याही प्रतिष्ठेला धक्का पोहोचवणारे बदनामीकारक दावे किंवा साहित्य लिहिणे टाळा.
- 13
हानिकारक चुकीची माहिती पसरवू नका
प्रस्थापित वैज्ञानिक तथ्यांच्या विरोधात जाणारे साहित्य विशेषतः आरोग्याविषयी हानिकारक सल्ले लिहिणे टाळा.तसेच नुकसान पोहोचवू शकणारे काल्पनिक कट-कारस्थान किंवा खोटे दावे करणे टाळा.
- 14
केवळ तुमचे स्वतःचे मूळ साहित्य प्रकाशित करा
फक्त तुम्ही स्वतः लिहिलेल्याच कथा प्रकाशित करा.इतर पुस्तके, चित्रपट, मालिका, वेबसाईट्स, व्हॉट्सॲप मेसेजेस, विकिपीडिया किंवा इतर लेखकांच्या साहित्यातून नक्कल करू नका.
- 15
इतरांचे साहित्य वापरण्यापूर्वी त्यांची परवानगी घ्या
तुम्ही दुसऱ्या कोणाची कथा, भाषांतर, फोटो किंवा इतर कोणतीही सामग्री वापरत असल्यास, तुमच्याकडे त्यांची योग्य लेखी परवानगी असणे आवश्यक आहे.तुमच्याकडे आवश्यक हक्क नसतील, तर केवळ क्रेडिट देणे पुरेसे नाही.
- 16
लोकांच्या गोपनीयतेचे रक्षण करा
कोणाचीही खाजगी माहिती त्यांच्या संमतीशिवाय प्रकाशित करू नका.यामध्ये फोन नंबर, पत्ते, फोटो, खाजगी चॅट्स, बँक खात्याचा तपशील, ओळखपत्रे किंवा एखाद्याची वैयक्तिक ओळख उघड होईल अशा कोणत्याही माहितीचा समावेश होतो.
मुक्तपणे लिहिणे जितके महत्त्वाचे आहे, तितकेच जबाबदारीने लिहिणे देखील गरजेचे आहे. सुरक्षित आणि आदरयुक्त साहित्यामुळे तुमच्या कथा लोकांपर्यंत पोहोचत राहतात, तुमचे प्रोफाईल सुरक्षित राहते आणि सर्व वाचक व लेखकांसाठी एक उत्तम वातावरण तयार होते.
लिहीत रहा ! वाचत रहा !
Happy writing!
— Team Pratilipi