अकल्पित.. ( शृंगारीक कथा )

सकाळचा.. साधारण, दहा वाजताचा सुमार असावा. कोवळी उन्हं पसरायला नुकतीच सुरवात झाली होती. हातामध्ये असणारी पिशवी हलवत झुलवत अवखळ चाल करत ती येत होती. झालं.. एकदाची ती, आपल्या मुक्काम स्थळी पोहोचली. त्या नेहेमीच्या झाडाखालील सावलीत, तिने आपली बसकण मारली. अंगाला आळोखे पिळोखे देत, तिने एकदा सर्वांग झटकलं.. जादुगाराने, जादूच्या पोतडीतून एक एक वस्तू लीलया बाहेर काढावी. तसा तिने, पिशवीतून सुरवातीला एक प्लास्टिकचा फ्लेक्स बाहेर काढला. त्याला, थोडासा झाडून पुसून घेतला. त्यावर छापील असणाऱ्या नेत्याचं तोंड, ...