या स्पर्धेचे निकाल पाहण्यासाठी येथे क्लिक करा - https://marathi.pratilipi.com/blog/10-parts-series-marathi-result-50crcggr7qa8ffm

नमस्कार,

प्रतिलिपि मराठी 10 भागांची कथामालिका लेखन स्पर्धा आयोजित करत आहे. या लेखन स्पर्धेत सर्व लेखक सहभागी होऊ शकतात. तुम्हाला किमान 10 भागांची कथामालिका लिहायची आहे. म्हणजेच कथामालिकेत किमान 10 भाग असावेत आणि तुमच्या कथामालिकेत जास्तीत जास्त किती ही भाग असू शकतात. ही लेखन स्पर्धा पुढच्या दोन महिने सुरु राहील. या लेखन स्पर्धेत विजयी होऊन तुम्ही आकर्षक बक्षिसे जिंकू शकता! चला तर मग लिहायला सुरुवात करूया.

_____________________________

तुम्ही तुमच्या आवडत्या विषयावर एक किंवा एका पेक्षा जास्त कथामालिका लिहू शकता. तुम्ही तुमच्या आवडत्या शैलीमध्ये कथामालिका लिहू शकता. इथे खाली तुम्हाला पाच कथानकं देत आहोत, यामुळे तुमच्या विचारांना चालना मिळेलच आणि ही कथानकं वाचून एक छान वेगळं कथानकं तुम्हाला सुचू शकतं. त्यावर तुम्ही कथामालिका लिहू शकता. 

• शोभनाचा कोणीतरी पाठलाग करत आहे. पण कोण आणि कशासाठी पाठलाग करत आहे? हे शोभनाला माहित नाही. ती याचा शोध घेते, पाठलाग करणाऱ्या व्यक्तीला पकडते. त्या व्यक्तीला जाब विचारते. तो व्यक्ती शोभनाला एक फोटो दाखवतो, साक्षी नावाच्या मुलीचा हा फोटो असतो. साक्षी ही थोडीफार शोभनासारखी दिसणारी असते. त्यामुळे हा व्यक्ती साक्षी समजून शोभनाचा पाठलाग करत असतो. साक्षी दोन वर्षांपूर्वी गायब झालेली असते आणि तिचं काय झालं हे कोणाला माहित नसतं. 

•  नीता आणि तिच्या बहिणीची भांडण होते, तिची लहान बहीण घर सोडून निघून जाते. नीताच्या लहान बहिणीचा अपघाती मृत्यू झाला आहे, पण हा अपघाती मृत्यू नसून तिचा खून करण्यात आला आहे असं नीताला समजते, खून का झाला? कोणी केला? नीता हे शोधण्याचा प्रयत्न करते. तिला खून करणाऱ्याचे नाव कळते. नीताला त्या माणसाला मारून सूड घ्यायचा आहे. ती खुनाचे नियोजन सुद्धा करते, पण ऐनवेळी तिचे सगळे प्रयत्न फसतात कारण खुनी कोणीतरी वेगळाच असतो.

• कर्जामुळे साहिलच्या शेतकरी वडिलांनी आत्महत्या केली आहे, साहिलच्या कुटुंबावर कर्ज आहे, हे कर्ज फेडण्यासाठी एकोणीस वर्षाचा साहिल शहरात येतो. एका वडापाव स्टॉलवर काम करू लागतो, गरिबीमुळे त्याला फूटपाथवर झोपावे लागत आहेत, थंडीचे दिवस आहेत, त्याला नीट झोपता येत नाही, त्यामुळे तो शेकोटी करतो, त्या शेजारी बसतो. मध्यरात्र झाली आहे, अशा सुनसान वेळी एक गाडी भरधाव येते आणि थांबते, त्या गाडीतून एका तरुण मुलीला बाहेर फेकले जाते. गाडी तशीच पुढे निघून जाते. साहिलला काय करावे ते कळतं नाही, ती मुलगी सुद्धा रडत आहे. तेवढ्यात काही दारू पिऊन आलेले तीन माणसे तिथे येतात, त्या मुलीवर जबरदस्ती करायला सुरुवात करतात. आता साहिल काय करेल?

• सागरला नवीन नोकरी मिळते, तो दुसऱ्या शहरात राहू लागतो, एक नवीन फ्लॅट भाड्याने घेतो. हा फ्लॅट एका चांगल्या सोसायटीत सातव्या मजल्यावर असतो. या फ्लॅटला एक छान बाल्कनी सुद्धा असते. सागर त्याचे सगळे सामान नवीन घरात शिफ्ट करतो. एका दिवशी घर साफ करत असताना त्याला एक जुनी बॅग सापडते. त्या बॅगमध्ये एक जुना स्मार्टफोन त्याला मिळतो. सागर त्या फोनची बॅटरी बदलतो, फोन सुरु करतो, एका नंबर वरून खूप सारे जुने मेसेज त्या मोबाईलमध्ये असतात. शेवटचा मेसेज असतो "त्याला बाल्कनी मधून ढकलून दे"
  

• सायली आणि अशोकचे लग्न झालेले आहे, त्यांना आठ वर्षाचा एक मुलगा सुद्धा आहे. ते दोघे खूप आनंदी आहेत. पण त्यांच्या शेजारी सायलीचा जुना प्रियकर राहायला येतो. सायलीचा जुना प्रियकर, त्याचे ही लग्न झालेले आहे पण सायली, अशोकच्या भीतीने तिच्या या प्रियकराबद्दल अशोकला काहीही सांगत नाही. तिचा प्रियकर आनंदी नाही, त्याचा घटस्फोट होणार आहे, हे सायलीला कळते, पण या सगळ्यामध्ये सायली काय करेल?

सूचना: 

• ही कथानकं तुमच्या विचारांना चालना मिळण्यासाठी दिली आहे, तुम्ही एका अतिशय वेगळ्या कथानकावर सुद्धा कथामालिका लिहून या स्पर्धेत सहभागी होऊ शकता
  
  
• तुमची कथामालिका प्रतिलिपि ऍपवरच प्रकाशित करावी, कृपया ई-मेल वर कथामालिका पाठवू नये.

नियम:

1. या लेखन स्पर्धेसाठी एक नवीन, स्वलिखित कथामालिका प्रकाशित करायची आहे.

2. कथामालिकेत किमान 10 भाग असणे आवश्यक आहे. जास्तीत जास्त भागांना मर्यादा नाही

3. कथामालिकेच्या प्रत्येक भागात किमान 600 शब्द असणे आवश्यक आहे. 

4. कथामालिकेला “10 भागांची कथामालिका” ही श्रेणी जोडणे अनिवार्य आहे. अन्यथा कथामालिका स्पर्धेसाठी पात्र होणार नाही.

5. तुमची कथामालिका शेवटच्या तारखेपूर्वी समाप्त होणे अनिवार्य आहे.

6. सर्व लेखक या स्पर्धेत सहभागी होऊ शकतात.

7. ज्या लेखकांच्या प्रतिलिपि प्रोफाईलवर गोल्डन बॅज नाही, ते सुद्धा या लेखन स्पर्धेत सहभागी होऊ शकतात

महत्त्वाच्या तारखा:

• लेखन स्पर्धा या तारखेला सुरु होईल: 17 जानेवारी 2023

• या तारखेपूर्वी कथामालिका पूर्ण प्रकाशित करायची आहे: 31 मार्च 2023

• निकाल: 10 मे 2023

बक्षिस:

• पहिल्या सात लेखकांना प्रत्येकी 1000 रुपये बक्षीस मिळेल

• पहिल्या 20 लेखकांना फ्रेम केलेले प्रतिलिपि प्रमाणपत्र घरपोच मिळेल

_____________________________________________

व्हिडिओ:

• प्रतिलिपि ऍपवर कथामालिका कशी करावी हे जाणून घेण्यासाठी कृपया लिंकवर क्लिक करून व्हिडिओ बघावा.
  
  
• हा व्हिडिओ सुपर लेखक अवॉर्ड्स (पर्व ४) साठी बनवण्यात आला होता, पण या स्पर्धेसाठी सुद्धा हा व्हिडिओ उपयुक्त आहे
  
  
• व्हिडिओ लिंक: https://www.youtube.com/watch?v=Nri_YXegEHg

परीक्षकांची टीम खालील मुद्द्यांवर परीक्षण करेल: 

• कथानकाचे वेगळेपण

• कथेतील पात्रे

• वर्णन आणि संवाद लेखन

• व्याकरण आणि विरामचिन्हे

गोल्डन बॅज धारकांसाठी विशेष सूचना:

ही स्पर्धां सर्व लेखकांसाठी खुली आहे. प्रतिलिपि प्रोफाईलवर गोल्डन बॅज नसला तरी लेखक या लेखन स्पर्धेत सहभागी होऊ शकता. तुमच्या प्रतिलिपि प्रोफाईलवर गोल्डन बॅज असेल, तर कथामालिका सब्स्क्रिप्शन योजनेत समाविष्ट करणे अनिवार्य आहे.

________________________________________

काहीही समस्या असल्यास कृपया [email protected] या ई-मेलवर लगेच संपर्क करावा. तुमच्या प्रश्नाचे २४ तासात उत्तर दिले जाईल.
चला तर मग आजच लिहायला सुरुवात करूया!! 

कळावे,
प्रतिलिपि टीम