प्रतिलिपि
सर्व लेखकांसाठी “प्रतिलिपि लेखन अवॉर्ड्स सीझन- 2” स्पर्धेची घोषणा करताना आम्हाला अत्यंत आनंद होत आहे. आम्ही ही लेखन स्पर्धा भारतातील वेगवेगळ्या 8 भाषांमध्ये सुरू करत आहोत.
प्रतिलिपि लेखन अवॉर्ड्स- 2 म्हणजे केवळ एक स्पर्धा नाही, तर उत्कृष्ट कथांचा, प्रामाणिक लेखनाचा आणि वाचकांशी नातं जोडणाऱ्या कथांचा उत्सव आहे. भारतात एक प्रतिष्ठित आणि विश्वासार्ह साहित्यिक पुरस्कार घडवण्याच्या ध्येयाकडे हे आणखी एक पाऊल आहे.
प्रतिलिपि लेखन अवॉर्ड्सचे उद्दिष्ट म्हणजे उदयोन्मुख, अनुभवी आणि कोणत्याही प्रकारच्या साहित्यप्रकारात लिहिणाऱ्या प्रस्थापित लेखकांना दीर्घ कथामालिका लिहिण्यासाठी प्रोत्साहित करणे हे आहे. ज्यामुळे त्यांचे उत्पन्न, अनुयायी आणि वाचकसंख्या वाढेल.
“प्रतिलिपि लेखन अवॉर्ड्सचा” मुख्य उद्देश मौलिकता, लेखनकौशल्य आणि वाचकांशी नाते जोडण्याच्या क्षमतेवर आधारित उत्तम कथांचा गौरव करणे हा आहे.
आकर्षक “प्रतिलिपि लेखन अवॉर्ड्स” ट्रॉफी तुमची वाट पाहत आहे.
→ प्रतिलिपि लेखन अवॉर्ड्स सीझन- 2 मध्ये खास काय आहे?
1. यावेळी फक्त ओळख मिळवण्यापूरतीच ही स्पर्धा नाही! तर विजेत्यांना मिळणार आहे आकर्षक प्रतिलिपि लेखन अवॉर्ड ट्रॉफी!! जी तुमच्या यशाचे प्रतीक असेल आणि अभिमानाने ही ट्रॉफी तुमच्या घरातील दर्शनी कपाटात तुम्हाला सजवता येईल.
2. सर्वांसाठी खुला प्रवेश: आम्ही प्रत्येक लेखकाला आमंत्रित करत आहोत, मग तुम्ही गोल्डन बॅजधारक लेखक असाल किंवा नवोदित लेखक असाल! ही तुमची चमकण्याची, आकर्षक बक्षिसे जिंकण्याची, लोकप्रियता प्राप्त करण्याची आणि आयुष्यभर कमाई करण्याचीही सुवर्णसंधी आहे.
3. आकर्षक बक्षिसे: टॉप 30 विजेत्यांसाठी रोख बक्षिसे आणि खास प्रतिलिपि लेखन अवॉर्ड ट्रॉफी! शिवाय, प्रत्येक सहभागी लेखकासाठी खास रिवॉर्ड्स.
4. निवडक लेखकांना प्रतिलिपिच्या अधिकृत सोशल मीडिया पेजेसवर झळकण्याची संधी!
→ निकल जाहीर करण्याची प्रक्रिया
प्रतिलिपिमध्ये प्रत्येक स्पर्धेचे निकाल तयार करताना आम्ही प्रामाणिकपणे, निष्ठेने आणि जबाबदारीने काम करतो. निकाल प्रक्रियेमध्ये पूर्ण पारदर्शकता राहावी यासाठी आम्ही निकाल तयार करण्याची सविस्तर प्रक्रिया सर्व लेखकांसोबत सामायिक करत आहोत: निकाल तयार करण्याची संपूर्ण प्रक्रिया इथे वाचा
बक्षीस श्रेणी आणि अवॉर्ड्स
1. ‘प्रतिलिपि लेखन अवॉर्ड्स- 2’ परीक्षकांनी निवड केलेल्या विजेत्यांसाठी बक्षिसे:
→ 1 ते 3 क्रमांकाचे विजेते: ₹5000 रोख बक्षीस+ आकर्षक प्रतिलिपि लेखन अवॉर्ड्स ट्रॉफी + सोशल मीडियावर 'विशेष लेखक' स्पॉटलाइट पोस्ट
→ 4 ते 10 क्रमांकाचे विजेते: ₹3000 रोख बक्षीस + आकर्षक प्रतिलिपि लेखन अवॉर्ड्स ट्रॉफी + सोशल मीडियावर 'विशेष लेखक' स्पॉटलाइट पोस्ट
→ 11 ते 30 क्रमांकाचे विजेते: ₹1000 रोख बक्षीस + आकर्षक प्रतिलिपि लेखन अवॉर्ड्स ट्रॉफी + सोशल मीडियावर 'विशेष लेखक' स्पॉटलाइट पोस्ट
→ 31 ते 50 क्रमांकाचे विजेते: निकालामध्ये विशेष उल्लेख + ईमेलद्वारे विजेता प्रमाणपत्र
2. वाचकांची पसंती चॅम्पियन्स:
→ किमान 100 भाग पूर्ण करणाऱ्या सर्व लेखकांना निकालामध्ये विशेष उल्लेख मिळेल आणि प्रतिलिपिकडून ईमेलद्वारे ‘साहित्य सन्मान पत्र’ प्रदान केले जाईल.
→ एवढेच नाही, यापैकी रीडर एंगेजमेंटवर आधारित टॉप 10 कथामालिकांना गौरवशाली ‘प्रतिलिपि लेखन अवॉर्ड्स ट्रॉफी’ थेट त्यांच्या घरी पाठवली जाईल.
3. सर्व सहभागींना बक्षिसे:
→ सर्व सहभागी लेखकांना ईमेलद्वारे विशेष सहभाग पत्र दिले जाईल
→ सर्व कथामालिका आपोआप प्रतिलिपि फेसबूक पेजवर शेअर केल्या जातील
→ सर्व कथामालिका आपोआप प्रतिलिपि होमपेज बॅनरवर शेअर केल्या जातील
→ तुम्ही प्रीमियम कथामालिका लिहीत असाल, तर त्यातून आजीवन दर महिन्याला उत्पन्न मिळत राहील
नियम आणि मार्गदर्शक तत्त्वे
1. गोल्डन बॅज लेखकांसाठी: स्पर्धेत पात्र होण्यासाठी, तुमची कथामालिका प्रीमियम सब्स्क्रिप्शन अंतर्गत लिहिलेली असणे आवश्यक आहे. (कथामालिका प्रीमियम सब्स्क्रिप्शन अंतर्गत कशी प्रकाशित करावी?)
2. गोल्डन बॅज नसलेल्या लेखकांसाठी: तुमच्याकडे गोल्डन बॅज नसल्यास, तुम्ही तुमची कथामालिका सामान्यपणे प्रकाशित करून स्पर्धेत सहभागी होऊ शकता. (कथामालिका कशी प्रकाशित करावी?)
3. कथामालिकेचे भाग: स्पर्धेत पात्र होण्यासाठी कथामालिकेत किमान 80 भाग लिहिणे अनिवार्य आहे. जास्तीत जास्त कितीही भाग लिहू शकता.
4. शब्दमर्यादा:प्रत्येक भागामध्ये किमान 1000 शब्द असावेत. कमाल शब्दसंख्येला मर्यादा नाही. तुम्ही स्पर्धेच्या कालावधी दरम्यान कधीही कथा लिहिण्यास सुरुवात करू शकता परंतु पात्र होण्यासाठी सर्व नियमांचे पालन करून तुमची कथामालिका दिलेल्या अंतिम मुदतीपूर्वी पूर्ण झाली पाहिजे. (कथा प्रकाशित करताना शब्द संख्या कशी पहावी?)
5. सबमिशन (कसे सहभागी व्हावे?): कथा प्रकाशित करताना 'प्रतिलिपि लेखन अवॉर्ड्स सीझन- 2' श्रेणी निवडा. (कथेला श्रेणी कशी जोडावी?)
6. कथामालिकेचा विषय: तुम्ही तुमची कथामालिका कोणत्याही थीम, विषयावर किंवा कथानकावर लिहू शकता.
7. अपात्रता:अपूर्ण कथामालिका, स्पर्धेचे नियम व प्रकाशनाची अंतिम मुदत न पाळणाऱ्या कथामालिका अपात्र ठरवल्या जातील. कथामालिका इतर कोणत्याही चालू स्पर्धेमध्ये समाविष्ट केली गेली आहे तर ती कथामालिका अपात्र ठरविली जाईल.
=> टीप: 1. भाग 1 पासूनच तुमची कथा थेट सुरू करा. कथामालिकेचा पहिला किंवा कोणताही भाग म्हणून प्रस्तावना, ट्रेलर आणि अतिरिक्त नोट्स प्रकाशित करणे टाळा.
2. जर तुम्ही स्पर्धेसाठी लिहिणार असाल, तर कथेचे नवीन पर्व किंवा सीझन स्वतंत्र नवीन कथा म्हणून सुरू करा.
महत्त्वाच्या तारखा
→ स्पर्धा सुरू होण्याची तारीख:19 जानेवारी 2026
→ स्पर्धेची शेवटची तारीख:18 जून 2026
→ निकाल: 19 ऑगस्ट 2026 | सायं 5 वाजता. आमच्या टीमकडून तुम्हाला निकालाची लिंक असलेला ईमेल आणि मेसेज पाठवला जाईल.
→ सूचना: स्पर्धा संपल्यानंतर सर्व सहभागी लेखकांच्या कथामालिका फेसबूक पेजवर आणि प्रतिलिपि होमपेज बॅनरवर सामायिक केल्या जातील. तसेच तुमची कथामालिका 19 जानेवारी 2026 रोजी किंवा त्यानंतरच सुरू केलेली असावी. 19 जानेवारी 2026 पूर्वी सुरू झालेली कोणतीही कथा स्पर्धेसाठी ग्राह्य धरली जाणार नाही.
या स्पर्धेशी संबंधित तुमच्या शंकांचे निरसन करण्यासाठी तुम्ही आम्हाला थेट [email protected] या ईमेल आयडीवर लिहू शकता. आमची टीम 24 ते 48 तासांच्या आत तुम्हाला प्रतिसाद देईल.
ही सुवर्णसंधी गमावू नका!! प्रतिलिपि समुदायात तुमची कायमस्वरूपी छाप पाडण्याची हीच वेळ आहे. तुम्ही प्रकाशित केलेला प्रत्येक भाग, लिहिलेला प्रत्येक शब्द, तुम्हाला यशाची आणखी एक पायरी पुढे घेऊन जाईल.
मराठी भाषेत लिहिणाऱ्या लेखकांना ही स्पर्धा माहित व्हावी म्हणून या स्पर्धेची पेज लिंक तुमच्या माहितीमधील लेखकांसह नक्की शेअर करा.
नवीकोरी आणि आकर्षक अशी “प्रतिलिपि लेखन अवॉर्ड्स” ट्रॉफी तुमची वाट पाहत आहे!!
शुभेच्छा!
टीम प्रतिलिपि